მაია ციპლუგინა სარეაბილიტაციო ცენტრის ,,ხედვა, ზრუნვა, მხარდაჭერა“ ხელმძღვანელი

 

მაია ციპლუგინა სარეაბილიტაციო ცენტრის  ,,ხედვა, ზრუნვა, მხარდაჭერა“  ხელმძღვანელი

2007 წელს საქართველოში დაიწყო რეფორმა ბავშვთა კეთილდღეობის სფეროში.ჩამოყალიბდა მეურვეობა/მზრუნველობის დეპარტამენტი.  გაიარა   ხანგრძლივი გადამზადება და იყო პირველი სოციალური მუშაკი.  

დაიწყო ბავშვთა სახლების დეინტიტუციონალიზაცია. განახორციელა პროექტი  სხვადასხვა ბავშვთა სახლებიდან    წამოიყვანა 25 ვაჟი და მინდობით აღზრდაში გადაიყვანა დაბა ახალდაბაში  ოჯახებში, სადაც შეასწავლიდნენ მიმღები მშობლები ავეჯის დამზადებას.  პროექტმა ძალიან წარმატებით იმუშავა, დღეს თითქმის ყველა მათგანი ვინც გავიდა სახელმწიფო მზრუნველობიდან მუშაობენ  უკვე თავიანთ რაიონებში ავეჯის დამზადებაზე.

ასევე ჩატარებული აქვს ორი კვლევა. ბორჯომის მუნიციპალიტეტში სიღარიბის დონე (რაოდენობრივი კვლევა). მეორე - პედაგოგების, პოლიციელების და მანდატურების შეხედულება ძალადობის შესახებ  ბორჯომის მუნიციპალიტეტში  (თვისობრივი კვლევა).  განათლების სამინისტროსთან თანამშრომლობდა და  ბორჯომის მუნიციპალიტეტის ყველა სკოლაში  განახორციელე ორწლიანი  პროექტი  პროფესიული ორიენტაცია და  კარიერის დაგეგმვა. საოცარი ინტერესი გამოიჩინეს ბავშვებმა, როგორც ქალაქის ასევე სოფელში მცხოვრებმა მოსწავლეებმა.

2017 წელს ჩამოაყალიბა ა(ა)იპ  ,,ხედვა, ზრუნვა, მხარდაჭერა“. ორგანიზაციაში დასაქმებულია 13 გადამზადებული  ბავშვის განვითარების სპეციალისტი.  ფსიქოლოგი, სპეცმასწავლებელი, რეაბილიტოლოგი, სოციალური მუშაკი, მასაჟისტი, რომლებიც ემსახურებიან სხვადასხვა განვითარების შეფერხების მქონე ბავშვებს.  ორგანიზაციის მომავალი განვითარებისათვის ბევრი გეგმები აქვს. ყველა ახალ საქმეს იწყებს კვლევით  და მხოლოდ ამის შემდეგ იკვეთება  სერვისის საჭიროება.

    პანდემიის პერიოდში სარეაბილიტაციო ცენტრს ,,ხედვა ზრუნვა მხარდაჭერა“ არ შეუწყვეტია ფუნქციონირება. ჰიბრიდული მეთოდით, როგორც კონტაქტურად ასევე დისტანციურად  ვემსახურებით ბავშვებს. 

,,გამოწვევები და საჭიროებები წინ ბევრია, მთავარია შევძლოთ და გვქონდეს საკმარისი განათლება და კვალიფიკაცია რომ ვიზრუნოთ მომავალი თაობის კეთილდღეობაზე - ამბობს ქალბატონი მაია.